रुपन्देही । बुटवल उपमहानगरपालिका २ स्थित धनवर्षा साकोसले नेफ्स्कूनले सञ्चालन गरेको साकोस गुणस्तर सुनिश्चिता कार्यक्रम प्रोबेसनमा सहभागी हुने प्रतिबद्धता जनाएको छ ।  सञ्चालक समिति उपसमिति तथा कर्मचारीहरुको लागि सहकारी संचालन सम्बन्धी १ दिने अभिमुखिकरण कार्यक्रममा क्रममा संस्थाले दिगोपना, विश्वसनीयता र वित्तीय अनुशासनका लागि नेफ्स्कूनले सञ्चालन गरेको उक्त कार्यक्रममा सहभागी हुने बताएको हो ।

फागुन १३ गते आयोजित उक्त कार्यक्रममा संस्थाको संचालक समिति, लेखा समिति, उपसमिति र व्यवस्थापन गरी २७ जनाको सहभागिता थियो । तालिमको सहजिकरण नेफ्स्कूनका कार्यक्रम अधिकृत कोमल राज अधिकारीले गर्नुभएको थियो । तालिमबाट संस्था संचालन सम्बन्धी धेरै ज्ञान प्राप्त भएको र आगामी दिनमा कार्यान्वयन गर्दै संस्थालाई अघि बढाउने प्रतिबद्धता तालिम समापनमा अध्यक्ष नारायण प्रसाद ज्ञवालीले व्यक्त गर्नुभएको थियो ।