कञ्चनपुर । बचत ऋण सहकारी अभियानलाई समुदायको वित्तीय सेवाको उत्कृष्ट छनौटको रुपमा विकास गरी साकोस अभियानको साझा सञ्चालको अबधारणा बमोजिम अगाडि बढ्ने उद्देश्यसहित कैलालीको धनगढीमा हिजो आयोजित एक कार्यक्रमका बीच नेफ्स्कून र सुदुरपश्चिम प्रदेश बचत संघबीच ऐतिहासिक व्यावसायिक साझेदारी सम्झौता सम्पन्न भएको छ ।

नेफ्स्कूनका अध्यक्ष परितोष पौड्यालसहित पदाधिकारीहरु र प्रदेश बचत संघका अध्यक्ष सहितको टीमबीच दिपक्षीय सम्झौता भएको हो । प्रदेश बचत संघका अध्यक्ष माधव जोशीको अध्यक्षतामा आयोजित कार्यक्रममा नेफ्स्कूनका अध्यक्ष परितोष पौड्याल, बरिष्ठ उपाध्यक्ष चन्द्र प्रसाद ढकाल, महासचिव दामोदर अधिकारी, कोषाध्यक्ष दीपक पनेरु र प्रदेश बचत संघका सञ्चालक समिति सदस्य एवम् अन्य प्रतिनिधिहरु उपस्थित हुनुहुन्थ्यो । बचत ऋण सहकारी अभियानभित्रका साझा वस्तु तथा सेवा विकास गरी सञ्जालभित्र प्रभावकारी परिचालन गर्न विविध विषयहरुमा साझा धारण विकास गरिने सम्झौता पत्रमा उल्लेख गरिएको छ ।