काठमाडौं । नेफ्स्कूनका अध्यक्ष परितोष पौड्यालले नेपाल पत्रकार महासंघ बागमती प्रदेश कार्य समिति सदस्यमा अत्यधिक मतान्तरका साथ निर्वाचित सहकारी पत्रकार समाज (सीजेएन) का उपाध्यक्ष एवम् डिजिटल पत्रिका सहकारी खबर डट कमका सम्पादक काजी श्रेष्ठलाई आज बधाईसहित कार्यकाल सफलताको शुभकामना पदान गर्नुभएको छ । नेफ्स्कून केन्द्रीय कार्यालयमा आयोजित संक्षिप्त कार्यक्रममा अध्यक्ष पौड्यालले पत्रकार श्रेष्ठलाई खादासहित औपचारिक बधाई दिनुभएको हो ।

कार्यक्रममा नेपाल केन्द्रीय स्वास्थ्य सहकारी संघ लि. का महासचिव एवम् जिल्ला सहकारी संघ लि. काठमाडौंका उपाध्यक्ष खेमराज सुवेदी तथा नेफ्स्कूनको प्रशासन तथा समन्वय विभाग प्रमुख सञ्जयराज तिमल्सिनासमेत सहभागी हुनुहुन्थ्यो । पत्रकार श्रेष्ठ यस बर्षको नेफ्स्कून पत्रकारिता पुरस्कारबाट समेत सम्मानित हुनुभएको थियो । नेफ्स्कूनले गत वर्ष साउन ३२ गते आफ्नो ३३ औं स्थापना दिवसका अवसरमा घोषणा गरेको उक्त पुरस्कार गत वर्ष मंसिर ५ गते संघको २९ औं वार्षिक साधारण सभाका क्रममा श्रेष्ठलाई प्रदान गरिएको थियो ।