काठमाडौं । नेपाल सरकारका नवनियुक्त भूमि व्यवस्था, सहकारी तथा गरिबी निवारण मन्त्री शशी श्रेष्ठलाई नेफ्स्कूनका कार्यवाहक अध्यक्ष चन्द्रप्रसाद ढकालद्वारा बधाई एमव्  शुभकामना प्रदान गर्नुभएको छ  ।

 आज मन्त्रालयमा आयोजित संक्षिप्त कार्यक्रमका बीच नेफ्स्कूनका कार्यवाहक अध्यक्ष ढकाल, नेफ्स्कूनका सञ्चालक द्वय न्हुच्छे नारायण मिलन श्रेष्ठ, सन्दिप सापकोटा र कामु प्रमुख कार्यकारी अधिकृत प्रकाश प्रसाद पोखरेलले शुभकामना प्रदान गर्नुभएको हो । 

संघका कार्यवाहक अध्यक्ष ढकाल र कार्यकारी अधिकृत पोखरेलले बचत तथा ऋण सहकारी अभियान र नेफ्स्कूनको आगामी कार्यदिशाबारे संक्षिप्त प्रस्तुती राख्दै संघको आसन्न  ३०औं बार्षिक साधारणसभा सम्बन्धी जानकारी गराउनुभएको थियो । 

मन्त्री श्रेष्ठले सहकारी क्षेत्रलाई अगाडि बढाउन के गर्नुपर्छ ? यसको विकास र प्रवर्धनका लागि के गर्न सकिन्छ ? भन्ने विषयमा सबैसँग राय सल्लाह र सुझाव लिइरहेको र त्यही अनुरुप कार्ययोजना बनाएर अगाडि बड्न लागिएको बताउनुभयो ।

भेटका क्रममा सहकारी विभागका निवर्तमान रजिष्ट्रार एवम् हाल मन्त्रालयका सहकारी शाखा प्रमुख लीला प्रसाद शर्मा पनि उपस्थित हुनुहुन्थ्यो । मन्त्री श्रेष्ठ यही असोज २२ गतेदेखि मन्त्रालयको जिम्मेवारीमा नियुक्त हुनुभएको हो ।