काठमाडौं । राष्ट्रिय सहकारी महासंघका अध्यक्ष मिनराज कडेल अन्तर्राष्ट्रिय सहकारी महासंघ एसिया प्रशान्त क्षेत्रको सञ्चालक सदस्य निर्वाचित हुनुभएको छ । आइसीए एपीको आज अर्थात् नोभेम्बर ३० मा सम्पन्न निर्वाचनमा उहाँ विजयी हुनुभएको हो । उहाँ पाँचौं सर्वाधिक मत प्राप्त गर्दै आइसीए एपीमा निर्वाचिन हुनुभएको महासंघले जनाएको छ । आइसीए एपीको अध्यक्षमा भारतका चन्द्रपाल सिंह यादव निर्वाचित हुनुभएको छ । चिनका जेनहोङ र मलेसियाका डाटो डा. अब्दुल फताह अबदुल्लाह उपाध्यक्ष निर्वाचित हुनुभएको छ । यस अघि आइसीए एपीमा महासंघका निर्वतमान अध्यक्ष केशव बडाल संचालक सदस्य हुुनुहुन्थ्यो ।

 महासंघ अध्यक्ष कडेल विगतमा २ वर्ष एसियाली ऋण महासंघको प्रथम र त्यति नै समय द्धितिय उपाध्यक्ष समेत भैसक्नुभएको थियो । करिब २६ बर्षदेखि सहकारी अभियानमा सक्रिय उहाँ २०७६ पुस २५ गते महासंघ अध्यक्ष निर्वाचित हुनुभएको थियो । नेफ्स्कूनका पूर्व अध्यक्ष एवम् वर्तमान सल्लाहकार कडेललाई हार्दिक बधाई तथा कार्यकाल सफलताको शुभकामना ।