मकवानपुर । मकवानपुरगढी गाउँपालिका ५ स्थित महिला कल्याण साकोसका सञ्चालक/कर्मचारीहरुको क्षमता विकास आधारभूत तालिम सम्पन्न भएको छ । ग्रामिण महिला सेवा केन्द्रमा सञ्चालित २ दिने तालिममा १८ जनाको सहभागिता थियो । नेफ्स्कूनका तालिम अधिकृत सुमनराज घिमिरेले पानसमा बत्ती बालेर उद्घाटन गर्नुभएको तालिममा उद्घाटन कार्यक्रम समापन मन्तव्य राख्दै संस्थाकी अध्यक्ष देवकी चौलागाईले तालिम फलदायी हुने विश्वास व्यक्त गर्नुभयो । कार्यक्रमका अतिथिहरुमा पूर्व अध्यक्ष एवम् लेखा सुपरिवेक्षण समिति संयोजक सुलोचना स्याङ्ताङ र नेफ्स्कूनका तालिम अधिकृत एवम् सहजकर्ता सुमनराज घिमिरे रहनुभएको थियो । संस्थाकी उपाध्यक्ष पार्वती फुयालले स्वागत मन्तव्य राख्नुभएको थियो भने कार्यक्रम संचालन संस्थाकी सचिव सरिता ढुङ्गानाले गर्नुभएको थियो । पुस २ र ३ गते सञ्चालित तालिमको समापन कार्यक्रममा नेफ्स्कूनका कार्यक्रम अधिकृत विदूर खड्का पनि सहभागी हुनुभएको थियो । समापनमा मन्तव्य राख्दै सहजकर्ता घिमिरेले तालिममा सिकेका विषयहरुलाई व्यवहारमा नउतारेसम्म तालिमको सार्थकता नहुने भन्दै साकोसको व्यावसायिक सफलताको शुभकामना समेत दिनुभयो ।