मकवानपुर । जिल्लाको भिमफेदी गाउँपालिका ४ निबुवाटारस्थित महिला अभियान साकोसको आयोजना तथा नेफ्स्कूनको प्राबिधिक सहयोगमा ऐक्सेस छैठौं ब्याचको आठौं कार्यकुशलता तथा सिकाइ ब्यबस्थापन PALM कार्यशाला साकोसकी अध्यक्ष भिमकुमारी थापा मगरको अध्यक्षता तथा मकवानपुर जिल्ला बचत संघकी अध्यक्ष कल्पना श्रेष्ठको प्रमुख आतिथ्यता, बागमती प्रोस्कुनकी उपाध्यक्ष तथा महिला अभियान साकोस लेखा सुपरिबेक्षण समिति संयोजक राधा सिंतान, नेफ्स्कून फिल्ड कार्यालय मकवानपुर व्यवस्थापन  उपसमिति सदस्य राजु गौमतको बिशिष्ट आतिथ्यतामा पुस ३ गते शनिबार सम्पन्न भएको छ । मकवानपुर, चितवन र रौतहट जिल्लाका ७ वटा साकोसको सहभागिता रहेको कार्यशालाको सहजीकरण नेफ्स्कूनका कार्यक्रम अधिकृत बिदुर खड्काले गर्नुभएको थियो ।