काठमाडौं । सामुहिक साकोस भक्तपुर, बोलाछेँको सञ्चालकहरुको क्षमता अभिवृद्धि तालिम पोखरामा सुरु भएको छ । पुस २५ देखि २८ गतेसम्म सञ्चालन हुने तालिममा सञ्चालक समिति, लेखा सुपरवेक्षण समिति, उपसमितिका पदाधिकारीहरु, कर्मचारी गरी २३ जनाको सहभागिता छ । तालिम उद्घाटन समारोहको अध्यक्षता संस्थाका सचिव कृष्णहरि सैंजुले गर्नुभएको थियो भने प्रमुख अतिथि लेखा सुपरिवेक्षण समिति सदस्य नित्यनाथ श्रेष्ठ रहनुभएको थियो । कार्यक्रम सञ्चालन संस्थाका व्यवस्थापक कविन्द्र धौबन्जारले गर्नुभएको थियो ।

प्रोबेसन ब्राण्ड प्राप्त सामुहिक साकोस एक्सेस कार्यक्रममा आवद्ध छ । सहभागीहरुले तालिमका लागि पोखरा जाने क्रममा धादिङ स्थित जनकल्याण साकोसको अवलोकन भ्रमण समेत गर्नुभएको थियो । तालिम सहजकर्ता नेफ्स्कूनका बरिष्ठ अधिकृत बल्लभ तिमल्सिना र तालिम अधिकृत उमेश कोइराला रहनुभएको छ ।