पोखरा । श्री संकल्प स्वेक बचत तथा ऋण सहकारी संस्था लिमिटेड, कुन्ताबेंशी, काभे्रको ३ दिने संस्थागत विकास तालिम पोखरामा जारी छ। २०७८ साल पौष २६ गते देखि २८ गते सम्म सञ्चालित उक्त तालिमको उद्घाटन संस्थाका पूर्व अध्यक्ष तथा बर्तमान सल्लाहकार बद्रि प्रसाद नेपालले ब्यानरमा हस्ताक्षर गरि गर्नुभएको छ । नेफ्स्कूनद्वारा सञ्चालित PROBATION कार्यक्रम अन्तर्गत बागमती चौथो क्लस्टरमा आबद्ध यस संस्थाको आयोजना तथा नेफ्स्कूनको प्राविधिक सहयोगमा सञ्चालित उक्त तालिममा संस्थाका सञ्चालक समिति, लेखा सुपरीवेक्षण समिति, सल्लाहकार, अन्य उपसमितिहरु तथा उच्च तहका कर्मचारीहरु गरि जम्मा २६ जनाको उपस्थिती रहेको छ । तालिम उद्घाटनको क्रममा तालिमको उद्देश्यको बारेमा संस्थाका अध्यक्ष बद्रि प्रसाद सापकोटाले प्रष्ट पार्नु भएको छ भने तालिमको सहजिकरण नेफ्स्कूनका तालिम अधिकृत द्वय विदुर खड्का र सुमनराज घिमिरेले गर्नु भएको छ ।