बिहीबार १५ असोज, २०८३, Thu, 01 Oct, 2026
काठमाडौं । स्वास्थ्य सेवा विभागले सहकारी क्षेत्रमा संलग्नहरुलाई पनि अग्रपंक्तिमा खटिने सेवा प्रदायकहरु सरह कोभिड १९ विरुद्धको 'बुस्टर' मात्रा खोप उपलब्ध गराउने भएको छ । त्यसका लागि विभागले आजै आफु मातहतका देशभरका सबै निकायहरुलाई निर्देशन सहितको पत्र जारी गरेको छ । नेफ्स्कूनको पहलमा आज टेकूस्थित स्वास्थ्य सेवा विभाग अन्तर्गतको परिवार कल्याण महाशाखाले ७ वटै प्रदेशका प्रदेश स्वास्थ्य निर्देशनालय, ७ वटै प्रदेशका स्वास्थ्य तथा आपूर्ति व्यवस्थापन केन्द्र, ७७ वटै जिल्लाका स्वास्थ्य कार्यालयहरुलाई परिपत्रमार्फत यस्तो निर्देशन जारी गरेको हो । नेफ्स्कूनको पहलकद्मीमा सहकारी क्षेत्रलाई पनि स्वास्थ्य सेवा विभागबाट अग्रपक्तिमा खटिने र सार्वजनिक क्षेत्र भित्रको समूहमा राखी देशैभर आजै परिपत्र गरिएको हो ।
यसैबीच, सहकारीहरुको नियामक निकाय सहकारी विभागले पनि बेलैमा सहकारी क्षेत्रलाई बुस्टर खोपको उपलब्धताका लागि प्राथमिकतामा राख्ने काममा नेफ्स्कूनले गरेको पहलको प्रशंसा गरेको छ । सहकारी विभागका रजिष्ट्रार झलकराम अधिकारीको संक्षिप्त प्रतिक्रिया थियो, ‘यो अन्यन्त राम्रो काम भयो । सहकारी क्षेत्र पनि बुस्टर खोपको प्राथमिकतामा पर्यो ।’
