सल्यान । ग्रामीण बचत तथा ऋण सहकारी संस्था लि.सल्यानको २७ औं स्थापना दिवस कार्यक्रम संस्थाका अध्यक्ष धिरेन्द्र कुमार शाक्यको अध्यक्षता तथा जिल्ला सहकारी संघ लि.सल्यानका अध्यक्ष केशव सिंह श्रेष्ठको प्रमुख आतिथ्यतामा शुभकामना आदानप्रदान गरी आज सम्पन्न भएको छ । उक्त कार्यक्रम संस्थाका सचिव सनत कुमार शर्माले संचालन गर्नु भएको थियो भने स्वागत मन्तव्य तथा संस्थाको संक्षिप्त चिनारी संस्थाका प्रबन्धक शान्ता राईले प्रस्तुत गर्नु भएको थियो । सो अवसरमा संस्थाका दिवंगत सेयर सदस्यहरुको सम्झनामा एक मिनेट मौनधारण गरिएको थियो भने संस्थाको नीति अनुसार जेष्ठ नागरिक सदस्यहरुलाई सम्मान गरिएको थियो ।