कैलाली । सुदुरपश्चिम प्रदेश अन्तर्गत कैलालीको बर्दगोरिया गाँउपालिकाका सहकारी संस्थाहरुको अवस्था विश्लेषण तथा समीक्षा सम्बन्धी कार्यशाला गोष्ठी आज सम्पन्न भएको छ । नेफ्स्कूनको आयोजना र बर्दगोरिया गाँउपालिकाको सहकार्यमा उक्त गोष्ठी आयोजना गरिएको हो । 

नेफ्स्कून संचालक सदस्य एवम् कञ्चनपुर फिल्ड व्यवस्थापन उप समिति संयोजक माधव प्रसाद जाशीको अध्यक्षता र बर्दगोरिया गाँउपालिकाका प्रमुख प्रशासकिय अधिकृत अर्जुन सिंह कार्कीको प्रमुख आतिथ्यमा गोष्ठी सम्पन्न भएको थियो । उक्त कार्यक्रममा गाँउपालिकाका वडास्थित अध्यक्षहरु र बिभिन्न सहकारीका प्रतिनिधिहरु र गाँउपालिका कर्मचारीहरु सहित २० जनाको उपस्थिति रहेको थियो ।  कार्यक्रममा बर्दगोरिया गाँउपालीका कैलालीमा सञ्चालित ४१ वटा बिभिन्न प्रकृतीका सहकारी संस्थाहरुको पहिलो चरणको प्रोफाइल तयार पार्ने कार्य सम्पन्न भएकोले संस्थाहरुको अबस्था विश्लेषण र सोको समिक्षा सम्बन्धी अन्तरक्रिया संघका अधिकृत पवन जंग मल्लले गर्नुभएको थियो । कार्यक्रम व्यवस्थापन र संचालन धनगढी सेवा केन्द्र कैलाली कार्यालय इन्चार्ज योगेश बोहराले गर्नुभएको थियो ।