काठमाडौं । धादिङको गल्छि गाउँपालिकामा अवस्थित हाइवे बचत तथा ऋण सहकारी संस्था लि.ले सरस्वती सेवा केन्द्र स्थापना दिवसको उपलक्ष्यमा रक्तदान कार्यक्रमको आयोजना गरेको छ । नेपाल रेडक्रस सोसाइटी धादिङको प्राबिधिक सहयोगमा  फागुन १६ गते आयोजित रक्तदान कार्यक्रममा ५५ जना पुरुष र २२ जना महिलाले रक्तदान गर्नुभएको थियो ।

मानवीय जीवन रक्षाका लागि अति उपयोगी रगत संकलनका लागि सहकारीद्वारा आयोजित कार्यक्रममा सहकारीकर्मीहरुको उत्साहजनक सहभागिता रहेको थियो । विभिन्न समयमा विविद्य सामाजिक उत्तरदायित्वका कार्यक्रमहरु सञ्चालन गर्दै आइरहेको हाइवे साकोसले रक्तदान जस्तो पवित्र कामलाई महत्वका साथ अगाढि बढाउन सहकारीमार्फत कार्यक्रम राखिएको जनाएको छ ।