कास्की । मध्यपुर थिमि ४ भक्तपुरस्थित बालकुमारी बचत तथा ऋण सहकारी संस्था लि. को सञ्चालकहरुको क्षमता विकास तालिम पोखरामा सम्पन्न भएको छ । फागुन २९ देखि सुरु भएको तालिम चैत्र ३ गते समापन भएको हो । संस्थाका अध्यक्ष तुईलाल श्रेष्ठ सहित तालिममा सञ्चालक समितिका ११ जना र ब्यवस्थापक सुजेन्द्र श्रेष्ठ गरी १२ जनाको सहभागिता थियो । तालिम सहजीकरण नेफ्स्कूनका सदस्य सेवा विभाग प्रमुख गणेश प्रसाद तिमल्सिना बरिष्ठ अधिकृत प्रेमनाथ वाग्ले र कार्यक्रम अधिकृत सुर्यप्रसाद तिमल्सिनाले गर्नुभएको थियो । २०५८ असोज २ गते स्थापित बालकुमारी साकोसको वासलात हाल १ अर्व ८५ करोड वासलात रहेको छ भने सदस्य संख्या ५५०९ छ ।