काभ्रे । बुडोल सामुदायिक बचत तथा ऋण सहकारी संस्थाले सेयर सदस्यहरुलाई सवारी साधन ब्लूबुक नविकरण सेवा सहजीकरण गर्ने भएको छ । ब्लूबुक नविकरणको लागि स्मार्ट सर्भिस ईन प्रा.लि. सँग सम्झौता गरेको छ । साकोसले सदस्यहरुले आफ्नो मोटरसाईकल तथा गाडिहरुको ब्लूबुक नविकरण तथा भुक्तानी साकोसबाटै गर्न सक्ने गरी नयाँ सेवाको सुरुवात गरेको हो । 

संस्थामा आवद्ध सदस्यहरुले अब दुई पांग्रे तथा चार पांग्रे हलुका सवारी साधनको ब्लुबूक नविकरण गराउन सक्ने जनाइएको छ । सम्झौतामा संस्थाका प्रमुख कार्यकारी अधिकृत बिबेकराज ठकुरी र स्मार्ट सर्भिस ईन प्रा.लि.का प्रमुख सञ्चालन अधिकृत जनक रावलले हस्ताक्षर गरेका थिए ।

संस्थाले दुइ पांग्रे सवारी साधनको ब्लूबुक नविकरण गराउनको लागि ३५० रुपैंयाँ र चार पांग्रे हलुका सवारी साधनको ब्लूबुक नविकरणको लागि ४५० रुपैंयाँ सेवा शूल्क तय गरिएको जनाइएको छ ।