मकवानपुर ।  जागरण बचत तथा ऋण सहकारी संस्था लि. मकवानपुरगढीले आफ्नो २४ औं स्थापना दिवसको अवसरमा रक्तदान तथा जेष्ठ नागरिक सम्मान कार्यक्रमको आयोजना गरेको छ । 

बागमती प्रदेश सहकारी विकास बोर्डका उपाध्यक्ष नारायण प्रसाद देवकोटाको प्रमुख आतिथ्यता र आयोजक संस्थाकी अध्यक्ष कल्पना श्रेष्ठको अध्यक्षतामा आयोजित कार्यक्रममा २३ जनाले रक्तदान गरेका छन् । साथै सहकारीले स्थापना दिवसका अवसरमा ९ जना सहकारीका ज्येष्ठ सदस्यलाई सम्मान समेत गरेको छ । सम्मानित हुने ज्येष्ठ सदस्यहरुमा पुर्ण कुमारी श्रेष्ठ, गुन कुमारी सापकोटा, ईन्द्र कुमारी खड्का, प्रेमकुमारी दहाल, सानुमाया थिंङ, सुन्तली माया थिङ, चित्र कुमारी बजगाँई, चन्द्रमाया घिमिरे र चन्द्रमाया बिश्वकर्मा रहेका छन ।

कार्यक्रममा बागममी प्रदेश सहकारी बिकास बोर्डका कार्यकारी उपाध्यक्ष नारायण प्रसाद देवकोटा, जिल्ला बचत तथा ऋण सहकारी संघका बिरेन्द्र प्रसाद ढुङ्गाना , वडा नम्बर ३ का वडा अध्यक्ष भागबत घिमिरे, श्री भानु माध्यामिक विद्यालय व्यवस्थापन समितिका अध्यक्ष मानकुमारी पाख्रिन, कालीदेबी दुग्ध उत्पादक सहकारीका अध्यक्ष बिक्रम योञ्जन लगायतको आतिथ्यता रहेको थियो । कार्यक्रममा सहकारीका पदाधिकारी तथा शेयर सदस्यहरुको उपस्थिति रहेको थियो ।