ललितपुर । पद्मावती  साकोस ललितपुरको आयोजनामा प्रोबेसन बागमती क्लष्टर प्रथमको २४ औं कार्यकुशलता तथा सिकाइ व्यवस्थापन कार्यशाला सम्पन्न भएको छ । नेफ्स्कून अध्यक्ष परितोष पौड्याल प्रमुख अतिथि रहनुभएको कार्यक्रमको अध्यक्षता पद्मावती साकोसका अध्यक्ष नेमविर शाक्यले गर्नुभएको थियो । कार्यक्रममा जिल्ला वचत संघ ललितपुरकी उपध्यक्ष लक्ष्मी शाक्य, राष्ट्रिय सहकारी विकास वोर्डका पुर्व निर्देशक शिव प्रसाद घिमिरे रहनुभएको थियो । कार्यक्रममा ज्योति मिर्मिरे सामहिक साकोस काभ्रे, लक्ष्मी महिला साकोस काभ्रे, मोडल साकोस काभ्रे, श्रीमाई बज्रबाराही साकोस ललितपुर, पद्मावती साकोस ललितपुर, नवयुवा साकोस ललितपुर, एकता सकोस काठमाडौं र होस्टेहैंसे साकोस काठमाडौं गरी  ८ ओटा साकोसका प्रतिनिधिहरुको सहभागिता थियो । कार्यक्रम सहजीकरण नेफ्स्कून कार्यक्रम अधिकृत कोमल राज अधिकारीले गर्नुभएको थियो ।

कार्यक्रममा प्रमुख अतिथि नेफ्स्कून अध्यक्ष परितोष पौड्यालले बचत ऋण सहकारीको इतिहास चर्चा गर्दै वचत ऋण सहकारीका पिता राईफाइशनको अवधारणा स्वः सहयोग, स्वः शासन र स्वः उत्तरदायित्व को महत्व प्रष्ट पार्दै साकोसका नेतृत्व वर्गले अनुशनरण गरेर संस्था संचालन गर्नुपर्नेमा जोड दिनुभयो ।

उहाँले अबको कार्य नेटर्वक व्यवस्थापन भएको र त्यसका लागि साकोसहरु प्रविधिमैत्री हुनपर्ने बताउनुभयो । अध्यक्ष पौड्यालले नेफ्स्कूनले निकै महत्वका साथ साकोसहरुलाई सम्पूर्ण प्रविधिहरुको सोलुसन दिनेगरी कार्य अगाडि बढाइरहेको र छिटै नै सबैका सामु ल्याउने चर्चा गर्नुभयो ।