झापा । जिल्ला बचत तथा ऋण सहकारी संघ लि.झापको आयोजनामा सहकारीमा ऋण सम्बन्धी कागजात व्यवस्थापन, वैधानिकता, आधारभुत जग्गा नापी विधि, धितो मुल्यांकन विधि सम्बन्धी एक दिवसीय तालिम हिजो सम्पन्न भएको छ । 

बचत संघका अध्यक्ष तुलाराम न्यौपानेको अध्यक्षतामा सुरु भएको तालिममा ३ फरक विषयसम्बन्धी छुट्टाछुट्टै प्रशिक्षकद्वारा सहजीकरण गरिएको थियो ।  

तालिममा अधिवक्ता देवेन्द्र भण्डारी, प्रशिक्षक अमिन कर्मेजय ठाकुर र प्रशिक्षक कोषराज सिंखडाले तालिमको सहजीकरण गर्नुभएको थियो ।  

संघका उपाध्यक्ष उपेन्द्र प्रसाद ओलीले स्वागत गर्नुभएको उक्त तालिम कार्यक्रम सञ्चालन संघका सचिव याम कुमार चुँडालले गर्नुभएको थियो ।

तालिममा ८८ जना साकोस कर्मचारीहरुको सहभागिता रहेको थियो ।