रुपन्देही । लुम्बिनी बचत तथा ऋण सहकारी संस्था लि. बुटवल–४, रुपन्देहीले  देविनगर सेवा केन्द्रमा आवद्ध नयाँ सेयर सदस्यहरुका लागि “आधारभूत सहकारी शिक्षा तालिम” कार्यक्रम गरेको छ । संस्थाका अध्यक्ष महेश्वर प्रसाद श्रेष्ठको सभापतित्वमा सम्पन्न उक्त कार्यक्रममा सञ्चालक सदस्य सुजिता शेरचनले स्वागत मन्तव्य र संस्थाको बिषयमा जानकारी गराउनुभएको थियो । बुटवल उप–महानगरपालिका सहकारी विभाग प्रमुख गुणाखर खनालको प्रमुख आतिथ्यमा आयोजित कार्यक्रममा व्यवस्थापक विनोद प्रताप ज.ब.रा.ले संस्थाको परिचय, संस्थाका क्रियाकलापहरु, बचत र ऋण योजनाहरुको व्याजदर र लुम्बिनी स्मार्ट एपसम्बन्धी जानकारी गराउनुभयो भने धन्यबाद ज्ञापन सहित कार्यक्रम समापन अध्यक्ष महेश्वर प्रसाद श्रेष्ठले गर्नुभयो । प्रशिक्षक नारायण बेलवासेले “आधारभुत सहकारी शिक्षा” बिषयक कार्यपत्र प्रस्तुत गर्नुभयो । चैत २५ गते आयोजित आधारभूत सहकारी शिक्षा तालिम कार्यक्रममा संस्थाका नयाँ शेयर सदस्यहरुको उल्लेख्य सहभागिता रहेको र उपस्थित सदस्यहरुलाई तालिम पश्चात अध्यक्षबाट प्रमाण–पत्र प्रदान गरिएको थियो ।