काठमाडौं । चन्द्रागिरि नगरपालिका ४ स्थित श्री सगरमाथा साकोसले बैशाख २ गतेदेखि आयोजना गरेको संचालकहरुको क्षमता विकास आधारभूत तालिम सम्पन्न भएको छ । दुई दिने उक्त तालिमको समापन संस्थाका अध्यक्ष बाबुराजा श्रेष्ठको अध्यक्षतामा भएको थियो । तालिम सहजीकरण नेफ्स्कूनका तालिम अधिकृत सुमन राज घिमिरेले गर्नुभएको थियो । चित्लाङ्गमा आयोजित सो कार्यक्रममा संस्थाका सल्लाहकार कर्ण बहादुर श्रेष्ठ, सञ्चालक समितिका पदाधिकारी, लेखा सुपरिक्षण समितिका पदाधिकारी र कार्यकारी निर्देशक लगायत ११ जनाको सहभागिता थियो । तालिमबाट उत्साहित सहभागीहरुले संस्थागत विकासको लागि तालिममा सिकेका कुराहरुलाई संस्थाको व्यवहारमा लागू गर्ने प्रतिबद्धता व्यक्त गर्नुभएको थियो ।