सिन्धुली । नेफ्स्कूनले स्थानीय तहसँगको सहकार्यमा सञ्चालन गरेको आधारशिला कार्यक्रम अन्तर्गत आज सिन्धुलीको कमलामाई नगरपालिकामा सहकारी संस्थाको अवस्था विश्लेषण तथा समिक्षा सम्बन्धी कार्यशाला गोष्ठी सम्पन्न भएको छ । नेफ्स्कूनको आयोजना र कमलामाई नगरपालिकाको सहकार्यमा आयोजित गोष्ठीको उद्घाटन नगरपालिकाका प्रमुख प्रशासकीय अधिकृत विशकसेन ढकालले गर्नुभएको थियो । कार्यक्रममा नगरपालिकाकी शिक्षा शाखाकी अधिकृत इन्दिरा थापा, स्थानीय सहकरीकर्मी, जिल्लाका विभिन्न सहकारीका प्रतिनिधिहरु सहभागी हुनुहुन्थ्यो । 

कार्यक्रममा आधारशिला कार्यक्रमको उद्देश्य, सहकारीको विकास र प्रवर्धनका लागि चालिएका कदमहरु र जिल्लाका सहकारीको अवस्था विश्लेषण तथा समिक्षा सम्बन्धी प्रस्तुतीकरण नेफ्स्कूनका बरिष्ट अधिकृत नविनराज दाहालले गर्नुभएको थियो । कार्यक्रम सञ्चालन सहजीकरण कार्यक्रम अधिकृत श्यामराजा तिमल्सिना र नेफ्स्कून सिन्धुली सेवा केन्द्र प्रमुख श्याम बुढाथोकीले गर्नुभएको थियो ।