म्याग्दी । जिल्लाको बेनी नगरपालिका ८ स्थित न्यू धौलागिरि साकोसको रणनीतिक व्यावसायिक योजना निर्माण कार्यशाला बैशाख ८ गते देखि १० गते सम्म धौलागिरी गाउँपालिका वडा नं.३ को सभाहलमा सञ्चालनरत छ । कार्यशालाको उद्घाटन सत्रको अध्यक्षता संस्थाका कार्यवाहक अध्यक्षले गर्नु भएको थियो । उक्त कार्यक्रममा प्रमुख आतिथ्यता धौलागिरि गाउँपालिकाका अध्यक्ष थमसरा पुनले गर्नुभएको थियो भने बिशिष्ट आतिथ्यता गाउँपालिकाका प्रमुख प्रशासकिय अधिकृत पूर्ण बहादुर खत्री तथा आतिथ्यता नेफ्स्कूनका सहजकर्ताद्वय बिदुर खड्का र सुमनराज घिमिरे एवं संस्थाका लेखा सुपरिवेक्षण समितिका संयोजक गोबिन्द प्रसाद पौडेल र संस्थाका बरिष्ठ प्रबन्धक बसन्तकुमार श्रेष्ठले गर्नु भएको थियो । 

उदघाटन कार्यक्रममा संस्थाका संचालक समिति, लेखा सूपरिवेक्षण समिति, सेवाकेन्द्र व्यवस्थापन उप समिति, व्यबस्थापन र सम्भावित सदस्यहरु तथा गाउँपालिकाका अध्यक्ष र प्रशासकिय अधिकृत सहित ४१ जनाको सहभागिता थियो । प्रमुख अतिथिले सहकारी संस्था स्वनियमनमा रहनु पर्ने, सदस्यमैत्री सेवा प्रवाह गर्नुपर्ने, संचालकहरु इमान्दार हुनुपर्ने, सहकारीले दुरदराजमा सेवा प्रवाह गर्नुपर्ने धारणा राख्नुभएको थियो ।

संस्थाका सचिव चन्द्र कुमार के.सी.ले संचालन गर्नु भएको कार्यक्रम संस्थाका संचालक सदस्य भिम बिक्रम मल्लले स्वागत मन्तव्य राख्नुभएको थियो । उहाँले कार्यशालाको महत्व सहभागीहरुको भूमिका आदि बिषय प्रष्ट पार्नुभएको थियो । नेफ्स्कूनका कार्यक्रम अधिकृत बिदुर खड्काले शुभकामना मन्तव्यका क्रममा रणनीतिक व्यावसायिक योजनाको महत्व र औचित्य स्पष्ट पार्नु भएको थियो । उक्त कार्यक्रममा सम्भावित सदस्यहरुका लागि सहकारी शिक्षा कार्यक्रम नेफ्स्कूनका सहजकर्ताद्वयले सञ्चालन गनुभएको थियो । संस्थाका कार्यबाहक अध्यक्ष रामजी प्रसाद सुबेदीले सदस्य सेवा बिस्तारको लागि धौलागिरि गा.पा. वडा नं. ३ मा सेवाकेन्द्र स्थापना गर्न लागेको जानकारी गराउदै कार्यक्रम समापन गर्नुभएको थियो । तीन दिवसीय कार्यशाला गोष्ठीको सहजिकरण नेफ्स्कूनका कार्यक्रम अधिकृत बिदुर खड्का र तालिम अधिकृत सुमनराज घिमिरेले गर्नुभएको छ ।