कास्की । पोखरा १३ स्थित कोन सामुदायिक बचत तथा ऋण सहकारी संस्था लि. ले आइतबार खुल्ला रक्तदान कार्यक्रम सम्पन्न गरेको छ । मे १, अन्तर्राष्ट्रिय श्रमिक दिवसको अवसरमा आयोजना गरिएको रक्तदान  कार्यक्रममा १ सय २४ जनाले रक्तदान गरेको संस्थाले जनाएको छ ।

संस्थाका अध्यक्ष तिर्थ बहादुर बस्नेतको सभापतित्व, जिल्ला सहकारी संघ कास्कीका अध्यक्ष सावित्रा कोइरालाको प्रमुख आतिथ्यता तथा क्षेत्रीय रक्त सञ्चार केन्द्र पोखराको प्राविधिक सहयोगमा कार्यक्रम सम्पन्न  भएको थियो ।

संस्थाका सचिव शान्त कुमार श्रेष्ठले रक्तदान कार्यक्रम सफल बनाउन सहयोग गर्नुहुने सम्पूर्ण रक्तदाता महानुभावहरुलाई संस्थाको तर्फबाट हार्दिक आभार तथा धन्यवाद व्यक्त गर्नुभएको थियो ।