महेन्द्रनगर । नेफ्स्कून कञ्चनपुर फिल्ड कार्यालयको आयोजनामा जिल्लामा सञ्चालित बचत तथा ऋण सहकारी संस्थाका कर्मचारीहरुलाई बजार प्रतिनिधिहरुको क्षमता अभिबृद्धि तालिम प्रदान गरिएको छ । 

नेफस्कूनका सञ्चालक सदस्य माधव प्रसाद जोशीको प्रमुख आतिथ्यतामा तालिमको उद्घाटन सत्र समापन भएको थियो । समापनका क्रममा विभिन्न स्थानीय सहकारी प्रतिनिधिहरुको उपस्थिति रहेको थियो । 

नेफ्स्कूनका सञ्चालक जोशीले बजार प्रतिनिधिहरुले सदस्य र संस्थाबीच पुलको भूमिकामा रहेर जोखिम युक्त काम गर्नुपर्ने भएको हुदाँ यस्ता तालिमहरु कर्मचारीहरुको क्षमता विकासका लागि महत्वपूर्ण हुने धारणा व्यक्त गर्नुभयो । नेफस्कूनले आयोजना गरेको यस तालिमबाट सहभागीहरुले महत्वपूर्ण ज्ञान, सीप आर्जन गर्ने र तालिमबाट सिकेको कुरा व्यवहारमा लागु गर्न आग्रह गर्नुभयो । आगामी दिनमा नेफ्स्कूनले पनि सहकारीहरुलाई लक्षित गरि क्षमता विकासका कार्यक्रमहरु, तालिमहरु आयोजना गर्ने प्रतिबद्धता ब्यक्त गदै संस्थालाई समस्या परेको समयमा सहयोग गर्न नेफ्स्कून तयार रहेको धारणा व्यक्त गर्नुभयो । 

जेठ १३ र १४ गते सञ्चालित तालिममा कञ्चनपुरका १८ ओटा बचत तथा ऋण सहकारी संस्थाबाट ३५ जनाको सहभागिता रहेको थियो । तालिम सहजिकरण संघका तालिम अधिकृत रविन्द्र श्रेष्ठ र कार्यक्रम सञ्चालन तथा व्यवस्थापन फिल्ड कार्यालय इन्चार्ज यम डाँगी र कार्यालय सहायक दिपक जोशीले गर्नुभएको थियो ।