सिन्धुली । आ–आफ्नो प्रगति र सिकाइ आपसी आदान प्रदान गरी सहकारी कर्मीहरुको क्षमता अभिवृद्धि गर्दै सहकारीहरुको स्तरोन्नति गर्ने उद्देश्यले सञ्चालित एक दिने तेस्रो कार्यकुशता तथा सिकाइ व्यवस्थापन कार्यशाला  कमलामाई नगरपालिका –६ स्थित सिन्धुलीश्री साकोस माडीबजारको आयोजनामा सम्पन्न भएको छ ।

नेफ्स्कून र सिन्धुली बचत तथा ऋण सहकारी संघ को प्राविधिक सहयोगमा सञ्चालित सो कार्यक्रममा सिन्धुलीगडी क्लस्टरका  ७ वटा सहकारी संस्थाका  २७ सहकारीकर्मीहरुको सहभागिता रहेको थियो ।

आयोजक संस्थाका अध्यक्ष अशोक श्रेष्ठको अध्यक्षता र  सिन्धुली बचत संघका कोषाध्यक्ष कृष्ण हरि कोइरालाको प्रमुख आतिथ्यमा सम्पन्न सो कार्यशालाको सञ्चालन आयोजक संस्थाका सचिव कुलबहादुर थापा   र स्वागत  अयोजक संस्थाका अध्यक्ष अशोक श्रेष्ठले गर्नुभएको थियो । 

संस्थाहरुले आ आफ्नो प्रगति र सिकाइ प्रस्तुतिकरण गरिएको  सो कार्यशालाको सहजिकरण नेफ्स्कूनका कार्यक्रम अधिकृत पवन घिमिरे र बचत संघका कार्यक्रम अधिकृत शारदा पहाडीले गर्नुभएको थियो ।