काठमाडौं । भारतीय सहकारीकर्मीहरुको एक टोलीले आज नेफ्स्कून केन्द्रीय कार्यालय नयाँ बानेश्वर भ्रमण गरी संघका अध्यक्ष एवम् उच्चव्यवस्थापन समूहसँग शिष्टाचार भेट गरेको छ । 

भारतको दिल्लीस्थित दिल्ली कोअपरेटिभ हाउसिंग फाइनान्स कर्पोरेशन लिमिटेड (DCHFCL) का अध्यक्ष राजेश गोयल लगायतको भ्रमणदलले बचत तथा ऋण सहकारी अभियानको शीर्षस्थ निकाय नेफ्स्कूनसँग भेट गरेको हो । भारतको दिल्ली एन.सी.टी. सरकार अन्तर्गत रहेको  उक्त फाइनान्स करपोरेसनले भारतीय कोअपरेटिभको क्षेत्रमा महत्वपूर्ण कामहरु गर्दै आइरहेको छ ।  

भेटका क्रममा संघका अध्यक्ष परितोष पौड्याल, प्रमुख कार्यकारी अधिकृत प्रकाश प्रसाद पोखरेल लगायत विभागीय प्रमुखहरुले सहकारीको क्षेत्रमा भइरहेका दुइ देशीय बहुआयामिक सम्बन्धका बारेमा चर्चा गर्दै भम्रणले सम्बन्ध विस्तारलाई थप प्रगाढ बनाएको उल्लेख गर्नुभएको थियो ।