काठमाडौं । युगबाणी बचत तथा ऋण सहकारी संस्था लि., थानकोटको आयोजनामा नेफ्स्कूनद्वारा सञ्चालित जोखिममा आधारित साकोस सुपरिवेक्षण कार्यक्रम (कर्ब्स) अन्तर्गत चन्द्रागिरी क्लष्टरको दशौं कार्यकुशलता तथा सिकाई व्यवस्थापन कार्यशाला सम्पन्न भएको छ । 

चन्द्रागिरी क्लटरमा युगबाणी साकोस, चम्किलातारा साकोस, जनश्रमिक साकोस, श्री सगरमाथा साकोस र ध्रुवलक्ष्मी साकोस छन् । 

कार्यक्रम युगबाणी साकोसका अध्यक्ष मोहन बलामीको अध्यक्षता र नेफ्स्कूनका अध्यक्ष परितोष पौड्यालको प्रमुख आतिथ्यता सुरु भएको थियो ।

नेफ्स्कूनका अध्यक्ष  पौड्यालले साकोस सुदृढीकरण र सबलीकरणका लागि अब स्तरीकरण कार्यक्रम निर्विकल्प रहेको बताउनुभयो । बचत तथा ऋण सहकारी संस्था स्तरीकरण कार्यक्रमबाट भागेर होइन हातोमालो गरेर अगाडि बढेमात्रै संस्थागत दिगोपना र स्थायित्व कायम हुनेमा उहाँले जोड दिनुभएको थियो । साथै अध्यक्ष पौड्यालले नेफ्स्कूनको आयोजनामा जेठको २९ र ३० गने सञ्चालन हुन गइरहेको साकोस शिखर गोष्ठीको बारेमा जानकारी गराउनुभयो । गोष्ठीले बचत तथा ऋण सहकारी अभियानमा नवप्रवर्धन र प्रविधि विकासको आवश्यकता सहित डिजिटलाइजेसन, डिजिटाइजेसन, डिजिटल ट्रान्सफमेसन र डिजिटल इन्क्यूजनलाई जोडेर प्रविधिमा नविनतम आयामको खोजीमा जोड दिइने बताउनुभयो ।

कार्यक्रममा जनश्रमिक साकोसका अध्यक्ष मोति अमात्य र ध्रुबलक्ष्मी साकोसका अध्यक्ष गोविन्द थापाले शुभकामना मन्तव्य राख्नुभएको थियो ।  साकोसका अध्यक्ष बलामीले कार्यक्रमको समापन गर्नुभएको थियो । जिल्ला संघ साझेदारी कार्यक्रम अन्तर्गत सञ्चालित कार्यकुशलता तथा सिकाई व्यवस्थापन कार्यशालाको सहजीकरण नेफ्स्कूनकी कार्यक्रम अधिकृत सोबिता मैनाली र कास्कूनका कार्यक्रम अधिकृत नवराज सुबेदीले गर्नुभएको थियो ।