तनहुँ । भानु नगरपालिका–११, पुतलीबजारमा अवस्थित श्री जनज्योती बचत तथा ऋण सहकारी संस्था लि. प्रोबेसन कार्यक्रममा आबद्ध भएको छ । प्रोबेसन कार्यक्रम नेफ्स्कूनले सञ्चालन गरेको साकोसहरुको गुणस्तर सुनिश्चितासम्बन्धी पूर्ण तथा व्यावायिक साकोस विकास कार्यक्रम हो ।

साकोसको तर्फबाट अध्यक्ष रविन भुजेल तथा नेफ्स्कूनको तर्फबाट व्यवसाय अधिकृत यमकला पौडेलले शुक्रबार सम्झौतामा हस्ताक्षर गर्नुभएको हो । साकोसमा आयोजित कार्यक्रममा साकोसका उपाध्यक्ष विद्यादेवी पाण्डेय जि.सी., सचिव दिपेन्द्र अधिकारी,  कोषाध्यक्ष ज्ञानेन्द्रराज अधिकारी र नेफ्स्कून खैरहनी सेवा केन्द्रका प्रमुख दिपक आचार्य उपस्थित हुनुहुन्थ्यो ।