काठमाडौं । ज्योतिपुञ्ज बचत तथा ऋण सहकारी संस्था लि.को सहकार्य र ललितपुर चेम्बर अफ कमर्सको आयोजनामा ललितपुर जिल्लाका ६ वटै पालिकाका नवनिर्वाचित प्रमुख तथा उपप्रमुखहरुलाई बधाइ एवम् शुभकामना प्रदान गरिएको छ ।

ज्योतिपुञ्ज साकोसका अध्यक्ष नवराज कार्कीले नवनिर्वाचित जनप्रतिनिधिहरुलाई स्वागत, बधाई तथा शुभकामना व्यक्त गर्नुभएको थियो । स्थानीय तहको विकासमा सहकारी क्षेत्रको भूमिका र योगदानका बिषयमा चर्चा गर्दै अध्यक्ष कार्कीले सहकारीको दिगो विकासका लागि सहकारी र स्थानीय तहबीच सहकार्यको आवश्यकता उल्लेख गर्नुभयो । पालिकावासीहरुको आवश्यकता र जनअपेक्षा बुझेर कार्यक्रम अगाडि बढाउन शुभकामना दिँदै अध्यक्ष कार्कीले ललितपुरलाई नमुना पालिका बनाएर देशकै उत्कृष्ट जनप्रतिनिधिको रुपमा देख्नपाउने स्थानीयको चाहनालाई साकार पार्नुहुनेछ भन्ने विश्वास लिइएको बताउनुभयो । 

कार्यक्रममा ललितपुर महानगरपालिका प्रमुख चिरिबाबु महर्जन, उपप्रमुख मन्जली शाक्य बज्राचार्य लगायत ६ वटै पालिकाबाट अध्यक्ष, उपाध्यक्ष र सदस्यहरुको उपस्थिति रहेको थियो । 

कार्यक्रममा ज्योतिपुञ्ज साकोसका प्रमुख सल्लाहकार डा. नीरजनारायण जोशी, सल्लाहकार रमेश कुमार रोक्का, सचिव नविन श्रेष्ठ, व्यवस्थापक रन्जु कार्की लगायतको उपस्थिति रहेको थियो ।