एजेन्सी । अन्तर्राष्ट्रिय सहकारी महासंघ (आइसीए) को अध्यक्षमा पुनः डा. एरियल ग्वार्को निर्वाचित हुनुभएको छ । स्पेनको सेभिलमा भएको चुनावी साधारण सभाबाट ४ वर्षको लागि पुनः ग्वार्को निर्वाचित हुनुभएको हो ।

अध्यक्षका लागि तीन जना प्रतिस्पर्धामा थिए । फ्रान्स सहकारीका अध्यक्ष जिन लुईस बान्सेल पनि चुनावी प्रतिस्पर्धामा थिए । त्यस्तै अस्ट्रेलियन सहकारीका प्रमुख कार्यकारी अधिकृत मेलिना मोरिसन पनि प्रतिस्पर्धामा थिए ।

चुनावमा विद्युत्तीय मतदान हुने भनिए पनि प्रविधिक कारणले हुन सकेको थिएन । विद्युत्तीय मतदान हुन नसकेकोमा अध्यक्ष एरियल ग्वार्कोले दुःख व्यक्त गरेका छन् ।

यस अघि सन् २०१७ को नोभेम्बर १७ मा मलेसियाको राजधानी क्वालालम्पुरमा सम्पन्न साधारण सभाबाट ग्वार्को निर्वाचित हुनुभएको थियो ।