काठमाडौं । बनस्थलीस्थित नरपानी देवनगर बचत तथा ऋण सहकारी संस्था लि.को आयोजनामा जोखिममा आधारित साकोस सुपरिवेक्षण कार्यक्रम(कर्ब्स) अन्तर्गत काठमाडौं चौंथो समुहका साकोसहरुबीच कर्ब्स कार्यक्रम अभिमुखीकरण सम्पन्न भएको छ । सोमबार नरपानी देवनगर साकोसको सभाहलमा आयोजित अभिमुखीकरण कार्यक्रममा समुहमा आबद्ध सात बचत तथा ऋण सहकारी संस्थाका व्यवस्थापक एवम् पदाधिकारीको उपस्थिति रहेको थियो । 

चौथो समुहमा आबद्ध साकोसहरुमध्ये कार्यक्रममा नरपानी देवनगर साकोस, कंकालीमाई साकोस, पासा ग्वाहाली पुचः साकोस, सप्तदेव साकोस, जनशक्ति कृषि साकोस र हजुरको त्रिवेणी साकोसबाट सहभागिता रहेको थियो । अभिमुखीकरण सहजीकरण नेफ्स्कूनकी कार्यक्रम अधिकृत सोविता मैनाली र कास्कूनका कार्यक्रम अधिकृत नवराज सुवेदीले गर्नुभएको थियो ।

नेफ्स्कूनद्वारा सञ्चालित जोखिममा आधारित साकोस सुवरिवेक्षण कार्यक्रम जिल्ला संघसँगको साझेदारीमा सञ्चालित छ भने पछिल्लो समय काठमाडौंका धेरै साकोसहरु कार्यक्रममा आबद्ध छन् ।