नेपाल बचत तथा ऋण केन्द्रीय सहकारी संघ लि.(नेफ्स्कून) मकवानपुर फिल्ड कार्यालयको आयोजनामा वार्षिक योजना तथा बजेट निर्माण तालिम सम्पन्न भएको छ । 

असार १५ र १६ दुई दिन सञ्चालित तालिममा मकवानपुर जिल्ला बचत संघ र जिल्लाका प्रारम्भिक बचत तथा ऋण सहकारी संस्थाका प्रतिनिधि गरी ३१ जनाको सहभागिता रहेको थियो । तालिम समापन समारोहको अध्यक्षता नेफ्स्कूनकी सञ्चालक सदस्य एवम् मकवानपुर फिल्ड कार्यालय व्यवस्थापन उपसमिति संयोजक विद्या कोइरालाले र प्रमुख आतिथ्यता नेफ्स्कून लेखा सुपरिवेक्षण समितिका सदस्य सुशिल कुमार बस्न्यातले गर्नुर्भको थियो । 

कार्यक्रममा प्रमुख अतिथि बस्न्यात र सभाध्यक्ष कोइरालाले तालिमको महत्व साथै नेफ्स्कूनका सेवाहरु सम्बन्धमा जानकारी गराउनुभएको थियो । सो अवसरमा नेफ्स्कून फिल्ड कार्यालय व्यवस्थापन उपसमिति सदस्य राजेन्द्र पौड्यालले नेफ्स्कूनको सेवा तथा गुणस्तरिय कार्यक्रमको महत्वको बिषयमा प्रकाश पार्नुभएको थियो । त्यसैगरी मकवानपुर जिल्ला बचत संघकी सञ्चालक सदस्य शर्मिला महतले पनि नेफ्स्कूनले सञ्चालन गर्ने तालिम महत्वपूर्ण रहने बताउँदै तालिमको गुणस्तरीयता सम्बन्धमा स्पष्ट पार्नुभएको थियो । 

दुई दिवसीय तालिमको सहजीकरण नेफ्स्कूनका कार्यक्रम अधिकृत विदुर खड्काले गर्नुभएको थियो भने सञ्चालन तथा व्यवस्थापन मकवानपुर फिल्ड कार्यालयकी इन्चार्ज ज्योति महतले गर्नुभएको थियो ।