काठमाडौं । नेपाल केन्द्रीय उपभोक्ता सहकारी संघ लि. मा नयाँ नेतृत्व चयन भएको छ । सहकारी अभियन्ता टेकप्रसाद चौलागाईंको अध्यक्षतामा नयाँ सञ्चालक समिति निर्वाचित भएको हो । दुई दशक भन्दा बढी समय सहकारी अभियानमा सक्रिय युवा सहकारीकर्मी चौलागाईं राष्ट्रिय सहकारी महासंघका सञ्चालक समेत हुनुहुन्छ । प्रारम्भिक सहकारी संस्थाको साथै उहाँले विषयगत र जिल्लागत सहकारी संघको नेतृत्व समेत सम्हालिसक्नुभएको छ । यसअघि उहाँले जिल्ला सहकारी संघ लिमिटेड काठमाडौंको अध्यक्षमा सफल भूमिका निर्वाह गरिसक्नुभएको छ । समग्र सहकारीको बारेमा जानकार उहाँको नेतृत्वमा उपभोक्ता सहकारीको केन्द्रीय संघले राम्रो गति लिने विश्वास गरिएको छ ।

चौलागाईंको अध्यक्षतामा नवनिर्वाचित समितिमा पदेन निवर्तमान अध्यक्ष दीपकराज पौडेल, उपाध्यक्ष शिवगोपाल थापा, सचिव अर्चना अमात्य, कोषाध्यक्ष रामचन्द्र अर्याल निर्वाचित हुनुभएको छ । त्यसैगरी सदस्यहरुमा चन्द्रा पराजुली, नारायण रिमाल, गोविन्द रिमाल, चेतनारायण यादव, दीपक घिमिरे, चन्द्र ठकुरी र रेखा अर्याल निर्वाचित हुनुभएको छ । 

त्यस्तै लेखा सुपरिवेक्षण समितिको संयोजकमा लक्ष्मण महर्जन, सदस्य कमल कँडेल र सूर्यप्रसाद शर्मा चौलागाईं निर्वाचित हुनुभएको छ । नवनिर्वाचित समितिले आइतबार सम्पन्न १९औं साधारणसभाबाटै पद तथा गोपनियताको सपथ लिनुभएको थियो ।