चाँगुनारायण । भक्तपुर जिल्ला बचत तथा ऋण सहकारी संघ लि.को चाँगुनारायण नगर सहकारी समन्वय उपसमितिको आयोजनामा “सहकारी विभागबाट जारी ३५ बुँदे निर्देशन, कोपमिस र गोएएमएल” विषयक अन्तरक्रिया कार्यक्रम नेपाल विद्युत प्राधिकरण तालिम केन्द्र खरिपाटीमा सम्पन्न भएको छ । 

कार्यक्रमका प्रमुख अतिथि चाँगुनारायण नगरपालिकाका नगर प्रमुख जीवन खत्रीले सहकारी निर्देशन समुदायमा आधारित सहकारी संस्थाको लागि सकारात्मक रहेको बताउनुभयो ।  निर्देशनले गैरसमुदायिक संस्थालाई नियमसंगत सञ्चालन गर्न सचेत गराएकोछ,  निर्देशन समुदायमा आधारित सहकारी संस्थाको पक्षमा रहेकोले यसको पालना गर्नुपर्ने कुरामा उहाँले जोड दिनुभयो । उहाँले चाँगुुनारायण नगरपालिकाले स्थानीय सहकारी संस्थाको पवर्धन र विकासका लागि नगरसभाले नीति तथा कार्यक्रम सहित बजेट समेत पारित गरेको बताउनुभयो । 

संघका अध्यक्ष कृष्ण गोविन्द लाखाजुले सहकारी विभागबाट जारी ३५ बुँदे निर्देशनले समेटेका विषयवस्तुका बारेमा जानकारी गराउनुभयो । निर्देशनमा हाल प्रक्रिया नपुर्याई दर्ता भएका बहुउद्देश्यीय सहकारीबारे मौन देखिएको र सहकारी सबैले वेवसाइट राख्ने र अद्यावधिक गर्न नसकिने हुँदा सहकारीको कारोबारको आधारमा बर्गिकरण गरी अनिवार्य गर्नुपर्ने विचार व्यक्त गर्नुभयो ।

संघका व्यवस्थापक बालकृष्ण धोजुले कोपमिसको परिचय, कोपमिस प्रयोग गर्दाको फाइदा र हाल कोपमिसमा भएको अद्यावधिकको अवस्था बारेमा प्रस्तुत गर्नुभयो । साथै goAML मा दर्ता र प्रतिवेदनहरु कसरी अनलाइनबाट बुझाउने भन्नेबारेमा समेत प्रस्तुतीकरण गर्नुभयो । राज्यले सहकारी प्रवर्धन र विकासको लागि नै नयाँ प्रविधिहरुको विकास गरिने भएकोले  कोपमिस र नयब्ःी सफ्वेयरमा आबद्ध भई कार्यान्वयन गर्नुपर्नेमा जोड दिनुभयो । 

कार्यक्रमका सभापति, संघका सञ्चालक एवम् उपसमितिकी संयोजक सन्तोषी खतिवडाले कार्यक्रममा प्रस्तुत भएका ३५ बुँदे निर्देशन, कोपोमिस र goAMLमा आबद्धता संस्था अझ नीतिगत रुपमा सबल हुने बताउनुभयो । हाल सहकारी ऐन, नियम र निर्देशनको पालना नगर्ने सहकारीहरुमा समस्या देखिएको उहाँले बताउनुभयो । उक्त समस्याले गर्दा सहि ढंगले सञ्चालन गरेका सहकारीलाई पनि लज्जित र अविश्वासको वातावरण सिर्जना हुनेतर्फ सचेत गराउनुभयो । कार्यक्रममा स्वागत मन्तव्य उपसमितिका सदस्य सालिकराम लामिछानेले गर्नुभएको थियो । अन्तरक्रिया कार्यक्रममा चाँगुनारायण नगरका सहकारी संस्थाका अध्यक्ष र व्यवस्थापक गरी ३१ जनाको सहभागिता रहेको थियो । कार्यक्रमको सञ्चालन उपसमितिका सदस्य लिला नाथ निरौलाले गर्नुभएको थियो ।