काठमाडौं । नेफ्स्कून गोंगवु फिल्ड कार्यालयको आयोजनामा गोंगवु क्षेत्रमा क्रियाशील साकोसहरुको लागि एक दिवसीय कोपोमिस अभिमुखीकरण शुक्रबार सम्पन्न भएको छ ।

नेफ्स्कून गोंगवु फिल्ड व्यावस्थापन उपसमिति सदस्य मधुसुदन पाठकको अध्यक्षतामा भएको कार्यक्रममा  गोंगवु क्षेत्रका २५ साकोसका प्रतिनिधिहरुको उपस्थिति रहेको थियो ।

कार्यक्रममा नेफ्स्कूनका कोषाध्यक्ष दिपक पनेरुले कोपोमिस कार्यक्रममा आवद्ध भई राज्यलाई सहकारीको विवरण संकलन र यस क्षेत्रको सुशासनमा वृद्धि ल्याउनको लागि सघाउनु संस्थाको दायित्व भएको हुँदा सबै सहकारी कोपोमिसमा आवद्ध हुनैपर्ने बताउनु भयो ।

कार्यक्रमको समापन गर्दै नेफ्स्कून संचालक एवम गोंगवु फिल्ड व्यावस्थापन उपसमिति संयोजक न्हुछे नारायण श्रेष्ठले कोपोमिस कार्यक्रमको औचित्य र आवश्यकताको वारेमा प्रष्ट्याउनु भएको थियो ।

कार्यक्रममा कोपोमिसको समष्टिगत विवरण भर्न, मासिक प्रतिवेदन प्रविष्टी गर्न, goAML मार्फत शंकास्पद र सिमा कारोवारको प्रतिवेदन पेश गर्ने विषयमा सहजिकरण गरिएको थियो । 

कार्यक्रमको सहजिकरण नेफ्स्कूनका कार्यक्रम अधिकृत शौभाग्य भट्टराई र गोंगवु फिल्ड कार्यलयका ईन्चार्ज प्रकाश अधिकारीले गर्नु भएको थियो ।