काठमाडौं । चितवनको भरतपुर महानगरपालिका ५, नारायणपुरमा सञ्चालित नारायणी बचत तथा ऋण सहकारी संस्था लि.प्रोबेसन कार्यक्रममा आबद्ध भएको छ ।

प्रोबेसन कार्यक्रम नेफ्स्कूनले सञ्चालन गरेको राष्ट्रिय स्तरको साकोसहरुको गुणस्तर सुनिश्चिता सम्बन्धी पूर्ण तथा व्यावायिक साकोस विकास कार्यक्रम हो । 

साकोस कार्यालयमा आज, साउन ५ गते आयोजित कार्यक्रममा साकोसका अध्यक्ष केशव बहादुर पौडेल र नेफ्स्कूनको तर्फबाट कार्यक्रम अधिकृत सुरज चालिसेले कार्यक्रम सम्झौतापत्रमा हस्ताक्षर गर्नुभएको थियो । 

प्रोबेसन कार्यक्रम आबद्धताले साकोसको संस्थागत विकास र वित्तीय सुशासन कायम हुने विश्वास लिएका छौं, अध्यक्ष पौडेलले भन्नुभयो, “नेफ्स्कूनले प्रदान गर्ने मार्गदर्शनको पालना गदैै छिट्टै ब्राण्ड प्राप्त गर्ने तयारीका साथ निरन्तर कार्यगर्न प्रतिबद्ध रहनेछौं ।”

कार्यक्रममा साकोसका उपाध्यक्ष पुष्पराज भट्ट, कोषाध्यक्ष विष्णुप्रसाद पंगाली, सह–सचिव हरी कृष्ण अधिकारी साथै समितिका सञ्चालक सदस्यहरु र व्यवस्थापक सुशिल पाण्डे उपस्थित हुनुहुन्थ्यो । 

२०५४ साल चैत्र ३० गते स्थापना भएको नारायणी साकोसमा हाल १ हजार ९ सय ९४ जना सदस्य छन् भने साकोसको कुँल पुँजी १४ करोड ५१ लाख ४२ हजार १४३ रुपैयाँ रहेको छ ।