काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) को आयोजनामा सिन्धुलीको फिक्कल गाउँपालिका खाङ्साङ्मा सहकारीहरुका लागि आधारभूत लेखा तालिम सञ्चालन गरिएको छ । 

नेफ्स्कून र स्थानीय तहबीचको संयुक्त साझेदारीमा सञ्चालित आधारशिला कार्यक्रम अन्तर्गत तीन दिवसीय  तालिमको आयोजना गरिएको थियो । तालिममा गाउँपालिकाका विभिन्न प्रकृतिका २३ सहकारीबाट सहकारीकर्मीहरुको उपस्थिति रहेको थियो । 

तालिमको सहजीकरण नेफ्स्कूनका तालिम अधिकृत उमेश कोइराला र कार्यक्रम अधिकृत रिता सुवेदीले गर्नुभएको थियो । 

तालिम समापन समारोहमा गाउँपालिकाका प्रमुख प्रशासकीय अधिकृत शिवहरी दाहाल, सहकारी सञ्जालका अध्यक्ष रामप्रसाद भण्डारीको विशेष उपस्थिति रहेको थियो ।