कास्की । “समृद्ध सदस्य, सुशासनयुक्त उत्कृष्ट सहकारी” भन्ने परिकल्पना सहित सनसाइन बचत तथा ऋण सहकारी संस्था लि. पोखरा–८, कास्कीको त्रिवर्षिय रणनीतिक व्यावसायिक योजना निर्माण कार्यशाला सम्पन्न भएको छ । 

साकोसका अध्यक्ष अग्निप्रसाद कँडेलको अध्यक्षतामा भाद्र ५ देखि ७ गतेसम्म सनसाइन रिसोर्ट, फेदीपाटन, पोखरा २१ मा कार्यशाला सम्पन्न भएको थियो । संस्थाका कोषाध्यक्ष नेत्रलाल भण्डारीले स्वागत मन्तव्य राख्नुभएको उक्त कार्यशालामा साकोसका निवर्तमान अध्यक्ष गजकुमारी गुरुङ्गले शुभकामना मन्तव्य राख्नुभएको थियो त्यस्तै उद्घाटन तथा समापन समारोह कार्यक्रमको सञ्चालन संस्थाका सचिव नवराज अधिकारीले गर्नुभएको थियो । 

नेफ्स्कूनका कार्यक्रम अधिकृत कोमल राज अधिकारी र अनुगमन अधिकृत सूर्यप्रसाद तिमल्सिनाले सहजिकरण गर्नुभएको उक्त कार्यशालामा सञ्चालक समित, आन्तरिक लेखा सुपरिवेक्षण समिति तथा उच्च व्यवस्थापनको सक्रिय सहभागिता रहेको थियो ।