काठमाडौं । नेपाल बचत तथा ऋण केन्द्रीय सहकारी संघ लि.(नेफ्स्कून) रुपन्देही फिल्ड कार्यालयको आयोजनामा जिल्लामा सञ्चालित सहकारीहरुका लागि एक दिवसीय कोपोमिस तालिम प्रदान गरिएको छ । 

नेफ्स्कूनका सञ्चालक सदस्य एवं रुपन्देही फिल्ड कार्यालय व्यवस्थापन उप समिति सदस्य सन्दिप सापकोटको अध्यक्षतामा सञ्चालन भएको तालिमको प्रमुख व्यक्तित्व नेफ्स्कूनका उपाध्यक्ष शान्ति अधिकारी रहनु भएको थियो । अतिथिहरुमा रुपन्देही फिल्ड कार्यालय व्यवस्थापन उप समिति सदस्य महेश्वर श्रेष्ठ, संघका सूचना प्रविधि अधिकृत राजन सुवेदी, भुमही सेवा केन्द्र प्रमुख नेत्र सापकोटा लगायतको सहभागिता रहेको थियो । 

कार्यक्रमका प्रमुख अतिथि नेफ्स्कूनका उपाध्यक्ष शान्ति अधिकारीले सदस्य संस्थाले राज्यले ल्याएका सवै कानुनको परिपालन गर्नुपर्नेमा जोड दिनुभएको थियो । नेफ्स्कून र सदस्य संस्था बीचका सम्बन्ध सुधार गर्दै अगाडि वढ्ने क्रममा संघले स्तरीकरण कार्यक्रम, स्थिरीकरण कोष, प्रविधि सहयोग, कानुनी परामर्श लगायतका धेरै विषयमा काम गरिरहेको उहाँले बताउनुभयो । 

कार्यक्रमका सभाध्यक्ष सन्दिप सापकोटाले कोपोमिस तालिम लिएसँगै संस्थामा गई तत्काल समष्टिगत विवरण अद्यावधिक गर्न सहभागीहरुलाई अनुरोध गर्नुभएको थियो । 

फिल्ड कार्यालय व्यवस्थापन उप समिति सदस्य श्रेष्ठले स्वागत मन्तव्य व्यक्त गदै वर्तमान कानुनको परिपालना गर्न र कानुनमा निर्दिष्ट गरिएका कुरा संस्थागत रुपमा लागु गर्न अनुरोध गर्नुभएको थियो ।

उहाँले कोपोमिसमा अद्यावधिक गर्नुपर्ने सम्पूर्ण विवरण साथै सम्पत्ती शुद्धीकरण ऐनका विषयमा पनि संस्थाले रिपोर्ट पेस गर्नुपर्ने सम्बन्धमा जानकारी गराउनुभएको थियो । 

तालिम फिल्ड कार्यालय व्यवस्थापन उपसमिति सदस्य शुभकान्त न्यौपानेको अध्यक्षतामा सम्पन्न भएको थियो ।  

तालिममा विभिन्न संस्थाका ४१ जनाको सहभागिता रहेको थियो । तालिम सहजीकरण नेफ्स्कूनका सूचना प्रविधि अधिकृत राजन सुवेदी र कार्यक्रम सञ्चालन रुपन्देहि फिल्ड कार्यलय ईन्चार्ज छत्र प्रसाद जैसीले गर्नु भएको थियो ।