काठमाडौं । नेपाल सहकारी पत्रकार समाज (सिजेएन) स्थापनाको १२ औं वर्षमा प्रवेश गरेको छ । सो अवसरमा नेफ्स्कूनद्वारा आयोजित एक कार्यक्रमका बीच सिजेएनका पदाधिकारी तथा सदस्यहरुलाई शुभकामना प्रदान गरिएको थियो ।

आइतबार काठमाडौंमा आयोजित शुभकामना आदानप्रदान कार्यक्रममा नेफ्स्कूनका कार्यवाहक अध्यक्ष चन्द्र प्रसाद ढकाल, महासचिव दामोदर अधिकारी, कोषाध्यक्ष दिपक पनेरु, संघका निमित्त प्रमुख कार्यकारी अधिकृत सञ्जयराज तिमिल्सीना, सहायक कार्यकारी अधिकृत द्वय दुर्गा प्रसाद ढकाल र गणेश प्रसाद तिमल्सिना उपस्थित हुनुहुन्थ्यो । 

सहकारीलाई मुख्य क्षेत्र बनाएर काम गर्ने पत्रकारहरुको हकहित र वृत्ति विकासको उद्देश्यसहित २०६८ साल भाद्र १९ गते स्थापना भएको यस समाजले नेपालको सहकारी अभियानको विकास र प्रवद्र्धनका निम्ति घच्घच्याउने साथै सरकारी निकाय र सहकारी अभियान बीच सम्बन्ध सेतुको काम गर्दै आइरहेको छ ।