काठमाडौं । जोखिममा आधारित साकोस सुवरिवेक्षण कार्यक्रम कर्ब्स काठमाडौं समूहको १२ औं कार्यकुशलता तथा सिकाई व्यवस्थापन कार्यशाला सम्पन्न भएको छ । 

चौतारी बचत तथा ऋण सहकारी संस्था लि.कागेश्वरी मनोहरा ३, भद्रबास काठमाडौंको आयोजना र नेफ्स्कून साथै कास्कूनको प्राविधिक सहयोगमा कार्यशाला सञ्चालन गरिएको थियो । 

आयोजक साकोसका अध्यक्ष तुलसीराम पुडासैनीको अध्यक्षता र नेफ्स्कूनका का.बा.अध्यक्ष चन्द्र प्रसाद ढकालको प्रमुख आतिथ्यता रहेको उक्त कार्यक्रममा  नेफ्स्कूनका कोषाध्यक्ष दिपक पनेरु, कास्कूनका सचिव शालिकराम पुडासैनी, कागेश्वरी मनोहरा नगरपालिका वडा नं ३ का वडाअध्यक्ष राममणी पुडासैनी, नगरापालिका सहकारी शाखाकी कर्मचारी अनिता तामाङ लगायतको विशेष आतिथ्यता रहेको थियो ।

जोखिममा आधारित साकोस सुपरिवेक्षण कार्यक्रममा सहभागी काठमाडौंका शुभसेवा साकोस, देग साकोस, कदर साकोस, अविछिन्न साकोस, डल्लु एकता साकोस, धादिङ मण्डली साकोस र आयोजक साकोस चौतारीका पदाधिकारी,  कर्ब्स कार्यदल संयोजक एव सदस्यहरु, व्यवस्थापक तथा अन्य कर्मचारीहरुको सहभागिता रहेको थियो । 

नेफ्स्कूनका का.बा. अध्यक्ष ढकालले सबै बचत तथा ऋण सहकारी संस्थाहरु अब नेफ्स्कूनको छाता मुनि रहेर गुणस्तर सुनिश्चितताका कार्यक्रममा जोडिनुको विकल्प नरहेको चर्चा गर्नुभयो । 
नगरपालिकाका सहकारी हेर्ने कर्मचारीहरुले पनि सहकारी सुशासनका लागि स्तरीकरण कार्यक्रमको महत्व र सान्दर्भिकतामाथी बुझेर सबै सहकारीहरुलाई स्तरीकृत साकोस निर्माणको अभियानमा जुट्न आव्हान गरेर सहयोग पुर्याउनुहुन अनुरोध गर्नुभयो ।  

नेफ्स्कूनका कोषाध्यक्ष दिपक पनेरुले जोखिममा आधारित साकोस सुवरिवेक्षण कार्यक्रम साकोसको जोखिम न्यूनीकरणका लागि अत्यन्त महत्वपूर्ण कार्यक्रम रहेको चर्चा गर्दै कर्ब्स कार्यदलले कार्यक्रम प्रभावकारिताका लागि आआफ्नो ठाउँमा रहेर पहल गर्नुपर्ने बताउनुभयो । 

उहाँले जोखिम रहित बचत तथा ऋण सहकारी संस्थाहरु जस्तोसुकै संकटको वेलामा पनि अप्ठ्यारोमा नपर्ने स्पष्ट पार्नुभयो । 

कार्यक्रममा सहभागी साकोस प्रतिनिधिहरुले आ–आफ्नो वित्तीय अवस्थाहरुबारे प्रस्तुतीकरण गर्नुभएको थियो । 

कार्यक्रम सहजीकरण नेफ्स्कूनकी कार्यक्रम अधिकृत सोबिता मैनाली र कास्कूनका कार्यक्रम अधिकृत नवराज सुवेदीले गर्नुभएको थियो ।