सुनसरी । सेवा बचत तथा ऋण सहकारी सस्था लि.इटहरीले आफ्ना सदस्य तथा  एकाघर परिवारका अपाङ्गता भएका, एकल महिला, तथा ज्येष्ठ नागरिक सदस्यहरुलाई सम्मान गरेको छ । 

आज, असोज ६ गते साकोसको शिक्षा उप–समितिको संयोजनमा सस्थाको इटहरी सेवा केन्द्र अन्तर्गत आयोजित कार्यक्रममा साकोसका अध्यक्ष तिर्थ बहादुर अधिकारीको अध्यक्षता र इटहरी नगरपालिकाका नगर प्रमुख हेम कर्ण पौडेलको प्रमुख आतिथ्यता रहेको थियो । कार्यक्रममा ६ सय जनाको सहभागिता रहेको थियो ।

साकोसले सदस्य तथा सदस्यको घर परिवारका एकल महिला, जेष्ठ नगरिक र अपाङ्गता भएका ३ सय ८८ जना सदस्यहरुलाई नगद र दोसल्ला सहित सम्मान गरेको थियो ।

कार्यक्रममा नेफ्स्कून इटहरी फिल्ड कार्यालयका प्रमुख, सहकारी बैंक इटहरी शाखा प्रवन्धक, नागरिक समाजका अध्यक्ष, स्थानीय सहकारीकर्मी, स्थानीय जनप्रतिनिधिहरु लगायको उपस्थिति रहेको थियो ।