लमजुङ । श्री जनकल्याण बचत तथा ऋण सहकारी संस्था लिमिटेडको १६आंै बार्षिक साधारणसभा असोज ९ गते, आइतबार सम्पन्न भएको छ । साधारणसभा साकोसका अध्यक्ष ताराराज घलेको अध्यक्षता एंव नेपाल बचत तथा ऋण केन्द्रीय सहकारी संघ लि. (नेफ्स्कून)का अध्यक्ष परितोष पौड्यालको प्रमुख आतिथ्यता, जिल्ला सहकारी संघका कोषाध्यक्ष नारायण बहादुर रिमाल र जिल्ला बचत संघका उपाध्यक्ष यशोदा रिमाल लगायत अतिथिहरुको आतिथ्यतामा सम्पन्न भएको हो । 

साधारणसभालाई सम्बोधन गर्दै नेफ्स्कूनका अध्यक्ष परितोष पौड्यालले सहकारीले अव बचत तथा ऋणमा मात्र सीमित नभई समाजको विकासमा योजनाबद्ध रुपमा अगाडि बढ्नुपर्ने बताउनुभयो । सदस्यलाई आयआर्जन र उद्यमशिलता विकासमा जोड्न प्रेरित गर्नुपर्ने, योगदानमा आधारित सदस्य राहत कार्यक्रम, नीति, विधि र प्रविधिलाई प्रथामिकता दिई सञ्चालन गर्नुपर्ने बताउनुभयो । 

सहकारी नीति, विधि र प्रविधिलाई अंगिकार गरी सञ्चालन गरिएमा संस्था कहिले पनि दुर्घटनामा नपर्ने भन्दै अध्यक्ष पौड्यालले जनकल्याण साकोस जिल्लाकै महत्वपूर्ण धरोहरको रुपमा स्थापित भएको दावी गर्नुभयो । 

कार्यक्रममा संस्थाको उपाध्यक्ष क्या. मिल बहादुर गुरुङले स्वागत मन्तव्य व्यक्त गर्नुभएको थियो भने संस्थाको प्रगति प्रतिवेदन र भावी योजना संस्थाको सचिव लोक माया घले, आर्थिक प्रतिवेदन संस्थाको कोषाध्यक्ष ठाकुर प्रसाद गुरुङ र लेखा सुपरिवेक्षण समितको प्रतिवेदन लेखा सुपरिवेक्षण समिति संयोजक सुवे. मोहन प्रसाद गुरुङले प्रस्तुत गर्नभएको थियो ।

आर्थिक वर्ष ०७८।७९ मा संस्थाको शेयरपुँजी ६ करोड ८७ लाख ८६ हजार ६सय रुपैया शेयर, बचत ६१ करोड ७८ लाख १७ हजार ४ सय ७३ रुपैया, ऋण ६३ करोड ३५ लाख ८९ हजार ९७ रुपैया र जगेडाकोष ५ करोड ९५ लाख ५३ हजार २ सय ३३ रुपैया रहेको छ । साकोसले आर्थिक वर्ष २०७८।०७९ मा खुद मुनाफा १ करोड ८४ लाख ८६ हजार ४ सय ९६ रुपैया ७८ पैसा आर्जन गरेको छ । २७ जनाबाट शुरु भएको संस्थाको हाल १२२६९ जना सदस्य रहेको छ । 

साकोसले सामाजिक उत्तरदायित्व अन्तर्गत मानविय सामाजिक कार्र्य गर्दै आएको संस्थाको उपाध्यक्ष क्या. मिल बहादुर गुरुङले जानकारी दिनुभयो साथै संस्थाले नियमित रुपमा सहकारी शिक्षा तथा वित्तीय साक्षरता कार्यक्रम सञ्चालन गर्दै आएको र उक्त शिक्षा कार्यक्रमलाई सहज तरिकाले सदस्यहरुले बुझ्न सहज होस् भन्ने अभिप्रयाले सहकारी शिक्षा तथा वित्तीय साक्षरता सम्बन्धी श्रव्यदृश्य सामाग्रीको रुपमा उन्नति नामक चलचित्र निर्माण गरिएको जानकारी गराउनु भयो ।

उन्नति चलचित्रलाई शिक्षा तथा साक्षरता कार्यक्रमको लागि प्रयोग गर्ने गरेको र हाल सो चलचित्रलाई संस्थाको युुटुव च्यानल वबलबपबथिबल कबअअयक मा पनि राखिएको जानकारी गराउनुभयो । 

कार्यक्रममा ७/७ जना उत्कृष्ठ बचतकर्ता र ऋणी सदस्य, एसईई परिक्षा २०७८ मा ३।२० भन्दा बढी अंक प्राप्त गर्नुहुने ७ जना बाल सदस्य र उत्कृष्ट लघुवित्त समूह तर्पm व्होलासोथार ३ घलेगाँउको तिजे उत्तरकन्या जनकल्याण महिला समूहलाई सम्मान गरिएको थियो । 

संस्थाको १६औं वार्षिक साधारणसभाले ताराराज घलेको अध्यक्षतामा १३ सदस्यीय संचालक समिति र वेल बहादुर गुरुङको संयोजकत्वमा ३ सदस्य लेखा सुपरिवेक्षण समिति निर्विरोध चयन गरेको छ ।