काठमाडौं । ज्योतिपुञ्ज बचत तथा ऋण सहकारी संस्था लि.काठमाडौंले नवनिर्वाचित सञ्चालक समितिका लागि क्षमता विकास आधारभूत तालिम आजबाट सुरु गरेको छ । तालिममा सञ्चालक समितिका पदाधिकारी, सञ्चालक सदस्यहरु, लेखा सुपरिवेक्षण समिति र व्यवस्थापन गरी १५ जनाको सहभागिता रहको छ । 

तालिम उद्घाटन समारोहका प्रमुख अतिथि नेफ्स्कूनका अध्यक्ष परितोष पौड्यालले ज्योतिपुञ्ज साकोसको नवनिर्वाचित टिम हरेक विषयमा सक्षम र सशक्त बन्न नेफ्स्कूनबाट प्रदान गरिने तालिम उपयोगी बन्ने बताउँदै तालिम सफलता सँगै नवनिर्वाचित टिमलाई सफल कार्यकालको शुभकामना व्यक्त गर्नुभयो । उहाँले सहकारीका समसामयिक समस्या समाधान गर्न र विद्यमान चुनौतिहरुको सामना गर्न समेत तालिम मार्फत सघाउ पुग्ने विश्वास व्यक्त गर्नुभयो । 

साकोसका प्रमुख कार्यकारी अधिकृत नवराज कार्कीले स्वागत मन्तव्य र लेखा अधिकृत शुरेस कुमार श्रेष्ठले कार्यक्रम सञ्चालन गर्नुभएको थियो । 

नेफ्स्कूनको प्राविधिक सहजीकरणमा सञ्चालित दुई दिवसीय तालिमको सहजकर्ता संघका तालिम अधिकृत उमेश कोइराला हुनुहुन्छ ।