मोरङ । भुल्के साकोस, सलकपुर–८, मोरङको आयोजना र नेफ्स्कूनको प्राविधिक सहयोगमा प्रोबेसन मेची कोशी चौथो क्लस्टरको सलकपुर–८, मोरङमा सातौ कार्यकुशलता तथा सिकाई व्यवस्थापन कार्यशाला (PALM) कार्तिक १९ गते सलकपुर–८, मोरङमा सम्पन्न भएको छ । 

कार्यशालामा प्रोबेसनमा आबद्ध मोरङ र सुनसरी जिल्लाका साकोसका अध्यक्ष, सदस्य एवं व्यवस्थापक र आयोजक संस्थाको सञ्चालक समिति, लेखा सुपरिवेक्षण समिति, विभिन्न उप समिति र कर्मचारी गरी जम्मा ३३ जनाको उपस्थिति रहेको थियो ।

आयोजक साकोसका अध्यक्ष श्याम कुमार आचार्यको अध्यक्षता, प्रमुख अतिथिको रुपमा नेफ्स्कूनका सञ्चालक गोमा नेपालको आतिथ्यतामा कार्यक्रम सम्पन्न भएको थियो । 

कार्यक्रमबाट सहकारी विच सहकार्यको भावना र असल अभ्यासहरु एक आपसमा आदन प्रदान गर्ने वातावरण सिर्जना भएको भन्दै नेफ्स्कूनले सदस्य संस्थाहरुको संस्थागत विकास र गुणस्तर बृद्धिका लागि सञ्चालनमा ल्याएको स्तरीकरण कार्यक्रम निकै फलदायी रहेकोप्रति सहभागीहरुले जोड दिएका थिए । 

कार्यक्रममा सहभागी साकोसहरुबाट आ आफ्ना संस्थागत प्रस्तुतीहरु रहेका थिए भने उत्कृष्ट प्रस्तुतकर्ताको रुपमा भुल्के साकोस, मोरङका व्यवस्थापक श्याम प्रसाद ढकाललाई पुरस्कृत गरीएको थियो । उक्त कार्यक्रम सहजीकरण नेफ्स्कून अनुगमन अधिकृत शौभाग्य भट्टराईले र कार्यक्रममा उपस्थितहरुलाई स्वागत आयोजक संस्थाको उपाध्यक्ष कोमल प्रसाद लुईटेल र कार्यक्रम सञ्चालन व्यवस्थापक श्याम प्रसाद ढकालले गर्नु भएको थियो ।