काठमाडौं । थानकोट महिला जागरण साकोस थानकोट, काठमाडौंको अयोजना र नेफ्स्कूनको प्राविधिक सहयोगमा प्रोबेसन बागमती क्लष्टर दोस्रोको १९औं कार्यकुशलता तथा सिकाई व्यवस्थापन कार्यशाला (PALM) कार्तिक २७ गते थानकोट, काठमाडौंमा सम्पन्न भएको छ । 

कार्याशालामा यस क्लष्टरमा आवद्ध काभ्रे, ललितपुर, भक्तपुर र  काठमाडौंका साकोसहरुको सञ्चालक समिति र व्यवस्थापन गरी जम्मा ४७ जनाको सहभागिता रहेको थियो ।

आयोजक साकोसका अध्यक्ष सपना श्रेष्ठको अध्यक्षतामा सञ्चालन भएको कार्याशालाको प्रमुख अतिथि नेफ्स्कूनका अध्यक्ष परितोष पौड्याल रहनुभएको थियो । 

कार्यक्रममा वोल्दै प्रमुख अतिथि पौड्यालले डिजिटाइजेशन, डिजिटलाईजेशन, डिजिटल ट्रान्फरमेशन र डिजिटल इन्कुलुजन को बारेमा चर्चा गर्दै यसका लागि नेफ्स्कूनले प्रविधि तयार पारेर लञ्च गरेको र अब साकोसहरुले आफ्ना सदस्यहरुलाई वित्तीय प्रविधि साक्षरता र सदस्यहरुको वित्तिय स्वस्थताको बारेमा शिक्षित गरी सम्पूर्ण वित्तीय समधान सहितको ईआरपी सफ्टवेयर प्रविधि प्रयोग गर्न आग्रह गर्नुभयो । 

कार्यक्रमको सहजिकरण नेफ्स्कून कार्यक्रम अधिकृत कोमल राज अधिकारीले गर्नुभएको थियो ।