शुक्रबार २७ कात्तिक, २०८३, Fri, 13 Nov, 2026
काठमाडौं । सुदूरपश्चिमको डडेलधुरामा साकोसहरुका लागि सुरक्षित ऋण परिचालन तथा जोखिम व्यवस्थापन तालिम प्रदान गरिएको छ । मंसिर २६ र २७ गते दुई दिन आयोजित तालिममा प्रदेशका विभिन्न ६ जिल्लाका २७ बचत तथा ऋण सहकारी संस्थाबाट ३२ जनाको सहभागिता रहेको थियो ।
तालिम नेफ्स्कून डडेलधुरा फिल्ड व्यवस्थापन उप–समिति सदस्य तेजबहादुर ऐरको अध्यक्षता, अमरगढी नगरपालिकाका नगर उप–प्रमुख पार्वती देवी झुकालको प्रमुख आतिथ्यता र सहकारी म्यानेजर्स क्लब डडेलधुराका सचिव धिरेन भाटको आतिथ्यतामा सम्पन्न भएको थियो ।
तालिमको सहजीकरण नेफ्स्कूनका अनुगमन अधिकृत पवन जङ्ग मल्लले गर्नु भएको थियो ।
सहभागीको तर्फबाट बोल्दै सहकारी म्यानेजर्स क्लब डडेलधुराका सचिव धिरेन भाटले तालिमले सहभागीहरुको कार्यक्षमता विकास गर्नुका साथै सहकारीको सुरक्षित ऋण परिचालनमा अत्यन्त महत्वपूर्ण भूमिका रहने बताउनुभयो ।
तालिम समापन समारोहमा बोल्दै नगर उप–प्रमुख पार्वती देवी झुकालले तालिममा सिकेका कुराहरु आफ्नो सहकारीमा लागु गरि सदस्यको जीवनस्तर उकास्न अनुरोध गर्नु भयो ।
तालिमको समापन गर्दै नेफ्स्कून फिल्ड व्यवस्थापन उप समिति सदस्य तेजबहादुर ऐरले नेफ्स्कूनले यस किसिमका तालिम निरन्तर सञ्चालन गर्ने, साकोसको क्षमता विकासमा सहयोग गर्ने र साकोस अभियानका समस्या समाधानका लागि निरन्तर समन्वयमा रहन अनुरोध गर्नु भयो ।
तालिमको आवश्यक समन्वय डडेलधुरा फिल्ड इन्चार्ज धर्मराज जोशीले गर्नु भएकोे थियो ।
