काठमाडौं । राधे–कृष्ण बचत तथा ऋण सहकारी संस्था लि. बनस्थलीले आफ्नो कार्यक्षेत्र भित्र पर्ने बाल विकास माध्यामिक विद्यालय, नागार्जुन नगरपालिका १, रानीवनमा अध्ययनरत कक्षा ६ र ७ का करिब ८० जना विद्यार्थीहरुमा बालबालिका तथा किशोर किशोरी मानसिक स्वास्थ्य सम्बन्धी अभिमुखीकरण कार्यक्रम सम्पन्न गरेको छ ।

माघ २६ गते, बिहिबार आयोजित कार्यक्रममा संस्थाका सञ्चालक समिति सदस्य तथा प्रशिक्षक अनुपा रेग्मीले मानसिक स्वास्थ्य सम्बन्धी विविध विषयमा प्रकाश पार्नुभएको थियो । सो कार्यक्रममा बिद्यालयका प्राध्यापक, शिक्षकहरु तथा सहकारीका महिला उप–समितिका सदस्यहरु लगायत कर्मचारीहरुको उपस्थिति रहेको थियो । 

कार्यक्रम स्वास्थ्यका दृष्टिकोणबाट निकै उपलब्धीपुर्ण रहेको र आगामी दिनहरुमा यस प्रकारका कार्यक्रमहरुलाई निरन्तरता दिन सहभागीहरुबाट उल्लेख्य सुझावहरु प्राप्त भएका छन् ।

२०६५ साल श्रावण २ गते तत्कालित डिभिजन सहकारी कार्यालय काठमाडौंमा दर्ता भएको यस संस्थामा १९ सय  सदस्यहरु र करिब ५५ करोडको वासलात रहेको संस्थाका प्रशासकिय अधिकृत सबिता पन्तले जानकारी दिनुभयो ।