काठमाडौं । “प्रविधियुक्त सेवा र सुशासनः दिगो साकोस र छवि निर्माणका लागि जिम्मेवार व्यवस्थापन” भन्ने सोच सहित सहकारीका प्रमुख कार्यकारी अधिकृतहरुको राष्ट्रिय गोष्ठी २०७९ यही फाल्गुन २४ र २५ गते काठमाडौंमा आयोजना हुँदैछ । 

नेपाल बचत तथा ऋण केन्द्रीय सहकारी संघ लि.(नेफ्स्कून) को आयोजना र नेफ्स्कून साकोस म्यानेजर्स क्लबको व्यवस्थापनमा हुन गइरहेको उक्त गोष्ठीका लागि यही माघ १३ गतेदेखि रजिष्ट्रेशन खुला गरिएको छ । 

उपलब्ध स्थान, स्रोत साधनको व्यवस्थापनलाई ध्यान दिँदै सिमित सिटमा मात्र सहभागिताका लागि फाराम खुला गरिएकोले समयमै आफ्नो सिट सुरक्षित गर्न नेफ्स्कूनद्वारा आव्हान गरिएको छ ।  

राष्ट्रिय गोष्ठी सहभागिताका लागि संघले निश्चित योग्यता र आवेदन शुल्क समेत तोकेको छ । 

सहभागिताका लागि दिइएको लिंकमा क्लिक गरि आवेदन भर्नुहुन संघले सूचित गरेको छ । 

https://www.nefscun.org.np/ceo-workshop-2079/?fbclid=IwAR2PMjfPQXDd5f6SJwlSE2hoJF_PXlYUPaGT9AmRwZa8MOTxTuHetGF23DU

“प्रविधियुक्त सेवा र सुशासनः दिगो साकोस र छवि निर्माणका लागि जिम्मेवार व्यवस्थापन” भन्ने सोच सहित सञ्चालन हुन गइरहेको राष्ट्रिय गोष्ठीमा विभिन्न राष्ट्रिय एवम् अन्तर्राष्ट्रिय विषयविज्ञहरुको सहजीकरण रहनेछ ।

२०७३ सालबाट साकोसका व्यवस्थापन प्रमुखहरुको राष्ट्रिय गोष्ठी सञ्चालन शुरुवात गरेको नेफ्स्कूनले प्रत्येक तीन बर्षको अन्तरालमा नियमित सञ्चालन गर्दै आइरहेको छ भने यस बर्ष तेस्रो गोष्ठी सञ्चालन गर्दैछ ।