काभ्रे । चण्डेश्वरी बचत तथा ऋण सहकारी संस्था लि. बनेपा को सामुदायिक विकास कार्ययोजना अन्र्तगत बनेपा वडा नंं. ४, नाला स्थित श्री चण्डेश्वरी माध्यामिक विद्यालयलाई रु ३० हजार रकम बराबरको खानेपानी प्युरिफायर खरिदका लागि सो रकम हस्तान्तरण गरिएको छ । चैत्र  १४ गते विद्यालयमा भएको सानो कार्यक्रम मार्फत संस्थाका अध्यक्ष नबिन भक्त बादेले विद्यालयका अध्यक्ष श्याम शुन्दर श्रेष्ठलाई रकम हस्तान्तरण गर्नुभएको थियो ।  

संस्थाका प्रमुख कार्यकारी अधिकृत झलेन्द्र प्रसाद दाहाल, सचिब बुद्ध रत्न मानन्धर, प्रमुख सल्लाहकार बिकास बादे, लेखा सुपरिवेक्षण समिति संयोजक राम प्रसाद श्रेष्ठ, समुहबचत उप समिति सदस्य रिता बादे को उपस्थीतिमा सहयोग रकम हस्तान्तरण गरिएको थियो । साकोसले सामुदायिक विकास गर्ने लक्ष्य स्वरुप हरेक वर्ष समुदायिक विद्यालय तथा सामुदायिक बिद्यालयमा अध्ययनरत विद्यार्थी लक्षित कार्यक्रम गर्दै आइरहेको छ । 

त्यसैगरि चण्डेश्वरी साकोसले आफ्नो बार्षिक कार्ययोजना अनुसार सदस्यहरुको सीप विकास गरि उद्यमशील बनाउने उद्देश्यका साथ चैत्र ५ देखि २१ गतेसम्म बनेपा ९, बादे बगैचाँमा १५ दिने निःशुल्क मखमलको जुत्ता चप्पल बनाउने तालिमको सञ्चालन गरेको छ । संस्थाका अध्यक्ष नबिन भक्त बादे को अध्यक्षतामा सो तालिमको उदघाट्न कार्यक्रम सम्पन्न भएको थियो । संस्थाका सदस्यहरुलाई उद्यमशिलतामा आबद्ध गराई आर्थिक रुपले सशक्त बनाउन चण्डेश्वरी साकोसले हरेक बर्ष विभिन्न सीपमूलक तालिम कार्यक्रमहरु आयोजना गर्दै आईरहेको छ । 
     
महिला विकास उप समितिको संयोजकत्वमा आयोजित १५ दिने तालिममा साकोसका १८ जना महिला सदस्यहरु सहभागी हुनुहुन्छ । दैनिक ५ घण्टा सञ्चालन हुने उक्त तालिम चैत्र २१ गते सम्पन्न हुँदैछ ।